AMBAG KO SA MGA KABATAAN 

ni Cerio S. Acquiatan

          Sa pakikipag-usap ko sa aking dating estudyante na ngayon ay magtatapos na sa kolehiyo nakaramdam ako ng pagmamalaki sa aking sarili. Alam ko na handa na sya sa bagong buhay niyang tatahakin, ang tunay sa laban ay nagsisimula pa lamang  para sa kanya at sigurado ako na handa at sapat ang kakayahan nya pra dito.

          Bilang isang guro alam ko ang naiambag ko sa kanyng pagkato. Sa kabuuan ng pagkatao ng isang indibidwal napakalaki ng impluwensya ng mga guro sa ating mga mag-aaral. Pangunahin sa mga tungkulin ng guro ang pagtuturo. Ang mahabang oras sa panahon ng guro ay ginugugol sa harap ng klase sa loob ng silid-aralan upang magbigay ng impormasyon, gumigising ng kawilihan ng mga mag-aaral sa paksang tinatalakay, magpaliwanag, makipagtalakayan, magtanong at tumugon sa mga katanungan ng mga mag-aaral. subalit hindi dito nagtatapos ang lahat, ang guro ay magulang/ina/ama sa paaralan. Pinangangalagaan natin ang mga mag-aaral tulad ng pag-aalaga ng isang magulang sa kanyang mga anak. Pinangangalagaan din natin maging ang ibang kapakanan ng mag-aaral sa aspektong emosyonal, sosyal, moral-ispiritual at pisikal man.

          Ang pinakamalaking ambag natin sa kanila upang mapabuti at maging produtibo ang mga kabataan ay ang mga kaalaman naikintal natin sa kanilang isipan. Mga kaalaman na magiging sandata nila upang maging handa sa pakikipagtunggali sa mundo ng paghahanapbuhay. Ang maihanda ang mga kabataan sa upang maging kompetetibo sa pagharap sa trabaho na may sapat na kaalaman at kasanayan sa hapon ng globalisasyon. Isng malaking hamon para sa ating mga guro subalit sa tulong ng bagong kurikulum ang K-12 na siyang magiging batayan ng mg guro upang maitaas ang antas ng kakayahan ng mga kabataan. Tulad ng mga bagong kasanayan, estratehiya"t dulog na inilalaan ng Kagawaran ng Edukasyon na ginagawa naman ng may kahusayan ng mga guro. 

         Hindi lahat ng kaalaman ay nakukuha sa aklat bagkus ay sa mga bagay na ating nararanasan sa araw-araw at ang mga bagay na may kinalaman sa tunay na buhay. Ako bilang isang guro sa makabagong panahon ay nararapat lamang na sumabay sa pangangailangan ng mga mag-aaral upang makatugon sa kanilang pangangailangan.